Cursos de formación

Este curso introduce ao estudantado no uso de técnicas de Machine Learning (ML) con Python aplicadas á análise de datos complexos no ámbito das ciencias biomoleculares, a química analítica e a tecnoloxía dos alimentos. Este curso, coordinado e impartido por Patricia Cazón Díaz e Sonia Valladares Rodríguez, busca que o estudantado comprenda os fundamentos de aprendizaxe automática aplicados a datos ómicos e biomoleculares e a datos fisicoquímicos e biomoleculares, así como aplicar técnicas de análise de datos en contextos como a caracterización molecular de alimentos, autenticidade e trazabilidade e a avaliación da calidade e seguridade.

Este curso tratará de dar a coñecer que son e como se empregan os modelos xerativos, como aplicar a IA xerativa a metodoloxías cualitativas e cuantitativas e ás ferramentas de IA aplicadas á investigación máis axeitadas.

O curso avanzado proporcionará aos profesionais agrícolas, investigadores, consultores e responsables da toma de decisións unha comprensión avanzada e integrada das estratexias de innovación, sustentabilidade e xestión técnica nos sistemas modernos de produción de froitos secos , en resposta ás crecentes presións relacionadas coa variabilidade

Este curso, coordinador por Santiago Lamosa Quinteiro, busca promover o cambio de paradigma entorno á importancia e valor dos resíduos que se producen na agricultura e gandería. Esta acción formativa, tratará de facer ver aos asistentes que os residuos das explotacións gandeiras non son unha ameaza, se non unha oportunidade valorizable, para o que existen técnicas e avances suficientes para que se produza ese cambio de paradigma.

Este curso céntrase no concepto de educación baseada no lugar (EBL) (Place-Basededucatión), como unha corrente pedagóxica que mergulla ao estudantado na súa herdanza local, cultura, paisaxe e problemas comunitarios, utilizándoos como base para o seu desenvolvemento académico e persoal. Esta acción formativa centrarase en ofrecer unha información actualizada sobre a Educación Baseada no Lugar (EBL) no mundo rural a educadores que desenvolven a súa actividade en contextos rurais e naturais, especialmente en relación aos problemas de despoboamento.